• ×

11:50 مساءً , الأحد 20 أغسطس 2017

الله يجازي

زيادة حجم الخط مسح إنقاص حجم الخط

مرت على ذكرى مواجعك عامين
واليوم شفني صرت فعـلا قويـه
كسبت من عرفك تجارب ودرسين
قبل تكشـف لـي حقايـق جليـه
قلت اسمعي يابنت بالـك تلينيـن
وتطمع بقربك كـل نفـسٍ دنيـه
عن طيب قلبك لازم انك تخليـن
هذا الزمن ماعاد به حسـن نيـه
خلـك قويـه لاتقوليـن بعديـن
خلي شموخك دايـم لـك هويـه
واللي يحـاول يستفـزك ترديـن
صدي عنه يابنت فـي محقريـه
الناس ماترحـم ولاتثمـن الزيـن
هذي نصيحـه وافهـي ياجوديـه
حبك بقلبي مـن قبـل لاتعرفيـن
مشاعرٍ في وسـط قلبـي خفيـه
انا دخيلك ارحمي دمعـة العيـن
تكفيـن حبينـي وارد الجـزيـه
واعوضك عن كل جرح ٍتحسيـن
ماني مثل غيري من الناس ذيـه
ابقالك لك الوافي اذا لي تحبيـن
واشكرظـروف ٍجابتـك ياوفيـه
انتي حبيبة عمري اسنيـن تبقيـن
والله يجازي مـن يبـوق بخويـه
وفي كل عام ٍيالغلا لي تشوفيـن
عيدٍ علينـا نحتفـل بـه سويـه
واذكرك بالوعد لامـرت اسنيـن
مايبعـدك عنـي ياغيـر المنيـه
ومن اول المشوار لي تنكر الدين
ياحيف كني لـك مسـوي جنيـه
رحلت ماعلمتني رحلتـك ويـن
وش الذي خـلاك تقسـى عليـه
تركتنـي للهم والغـم والبـيـن
هذا الجـزا منـك ورد العطيـه
صحيح من فرقاك ذقت الامريـن
لاكن دروسـك طلعتنـي قويـه
واليوم عندي ماتسـاوي رياليـن
شفني مطبق كل ذيـك الوصيـه

بواسطة : admincp
 0  0  183
جميع الأوقات بتوقيت جرينتش +1 ساعة. الوقت الآن هو 11:50 مساءً الأحد 20 أغسطس 2017.