• ×

06:22 صباحًا , الخميس 29 يونيو 2017

الرجاء والياس

زيادة حجم الخط مسح إنقاص حجم الخط

تدري وش اللي اصعب من الحق بيدين البخيل
اني أقطـع بدمـع اليـاس شريـان الرجـا
والرجا لوّي قطعتـه صاملـه بحـد الصقيـل
كان أريّـح خاطـري مـن همـومٍ تسرجـا
والدروب اللي مشتها الرجـل وبليّـا حصيـل
ماحفظَت عهـدٍ تعاهدنـاه فـي ظلمـة دجـا
كنت أعنّي الرجل يَمّـه وتمشـي بليّـا دليـل
ماسمعت اللي نصحني ولاسمعت اللـي رجـا
ماحسبت الاّ حسابـه وأنتظـر منـه القليـل
كنت أظـن ان كـل ضيقـه لالقيتـه تفرجـا
أتعـب عيونـي تحـرّا لامـراح ولامقـيـل
كـل يـوم أقـول باكـر ماتخيّبـت الـرجـا
مر عامٍ بإثـر عـام وصـار حلـمٍ مستحيـل
وضاع عمري بين وينه/ وين راح/ ووين جا
يالله يالله انـي بوجهـك ياعظيـم وياجليـل
يالله إلطف لارجيتـك مالـي غيـرك ملتجـا
ماطلبتـك راجيـه مـن حنانـه لـو قلـيـل
ألاّ جعله في مراحٍ مـن ورى سلمـى وأجـا
إرحم القلب المشقّا في رجا المقفـي ويخيـل
وياعسى نفسٍ تبيـه تطيـب منـه وتفرجـا

بواسطة : admincp
 0  0  282
جميع الأوقات بتوقيت جرينتش +1 ساعة. الوقت الآن هو 06:22 صباحًا الخميس 29 يونيو 2017.